568. ТХЬЭГЪЭЛЫДЖ И МЭШЫМ И НЭГУ ЩIЭЛЪАР ЩIЭКIАЩ

(Адыгэ хэкум ис къ. Кощхьаблэ щатхыгъэ текст)

  Тхьэгъэлыджрэ и къуэмрэ мэш трасэри къэкIуэжащ. Зьжъом дэкIауэ и къуэр игъэкIуащ игъэплъэну. И къуэр мэзым еплъри къэкIуэжри жиIащ:

   — Ди мэшыр икъукIэ бэгъуащ, мэш бэв къытетхынущ мы гъэм, — жиIэри.

  А мэшым зыгуэр и нэгу щIэлъщ,- жиIащ Тхьэгъэлыдж.

  Зыкъом дэкIри аргуэру Тхьэгъэлыджым икъуэр игъэкIуащ мэшым, игъэплъэну.

  Тхьэгъэлыдж и къуэр кIуэщ, еплъри къэкIуэжри жиIащ:

  — Ди мэшыр бэгъуат, ауэ зы къру гуп къеуэсауэ ди мэшыр хьэлэч ящIыр, яшхыр, — жиIэри.

  — А къру гупым зыгуэр я нэгу щIэлъщ, — жиIащ Тхьэгъэлыдж. Ауэрэ, зы зэман дэкIри, ещанэу Тхьэгъэ­лыджым и къуэр мэшым игъэкIуащ. Тхьэгъэлыдж и къуэр мэшым еплъащ, къыгъэзэжри къэкIуэжри ядэм жыриIэжащ:

  — Ди мэшым къеуса къру гупыр зы щакIуэ гуэурым къищIауэ зэтреукIэ, хьэлэч ещI, — жиIэри.

  — А щакIуэм и нэгу зыгуэр щIэлъщ, — жиIащ Тхьэ­гъэлыдж. ЕкIуэкIыурэ, зы зэман дэкIауэ, Тхьэгъэлы­джым и къуэр мэшым игъэкIуащ.

  — КIуэи иджы зэ къаплъэ ди мэшыр зэрыхъуам, — жиIэри. Тхьэгъэлыдж и къуэр кIуэщ, мэшыр зыригъэлъагъури къигъэзэжри ядэм жыриIэжащ.

  — Ди мэшым къеуса кърухэр къэзыукIыу щыта щакIуэм и шабзэр IэщIэуэжри зиукIыжащ, ди мэшри хуабжьу бэвщ, — жиIащ.

  — Ди мэшым и нэгу шIэлъар щIэкIащ, — жиIащ Тхьэгъылэдж.